Payız hələ hamının tam qaraya bürünmədiyi fəsildir.
Payız Teoman və Emre Aydın mahnılarının fəslidir.
Payız teatr, məktəb və universitetlərin açıldığı, metro stansiyaları, yol və küçələrin təmirə bağlandığı fəsildir.
Payız günlərin qısalması, işlərin çoxalması, anaların hirslənməsi fəslidir.
Payız yağışın yağdığı, küləyin söyüldüyü, günəşin məzuniyyətə getdiyi fəsildir.
Payız cütlüklərin ayrılma fəslidir.
Payız sevgililərin daha ehtirasla öpüşdüyü fəsildir.
Payız qışa hazırlıq, yaya vida fəslidir.
Payız ayaqqabı, plaş, gödəkçə, şarf, çətir və YENİ QARDEROB arzulamaq fəslidir.
Payız yuxudan gec ayılmaq, makiyaj etməmək, işə gecikmək fəslidir.
Payız kitab almaq, kitab oxumaq, kitabla yatmaq fəslidir.
Payız boş parklar, boş küçələr, boş ürəklər fəslidir.
Payız xəyala dalmaq, təəssüflənmək, peşmanlamaq fəslidir.
Payız kədərli gözlər, solğun bənizlər, soyuq sözlər fəslidir.
